U Dr. Harsh Vardhan, uwa man u montri ka chnat i chait i khiah ka sorkar pyrdi, da chah tyrwa (Nominated) u da ka Global Alliance for Vaccines and Immunisation (GAVI) kam u dkhot ka GAVI Board.
U Dr. Harsh Vardhan daw mihkhmat u ya ka South East Area Regional Office (SEARO)/Western Pacific Regional Office (WPRO) ha ka GAVI Board.
Ya kani ka thaw katni da ksoh da u Myint Htwe na Myanmar.
U Dr. Harsh Vardhan daw mihkhmat u ya ka India nadooh ka 1 Duyatra (January) 2021 hadooh ka 31 Kmaichonglad (December) 2023.
Kani ka Board yachem ko ar sien chi snem (ha u Naiynru wa u Khonchonglad/Kmaichonglad) wei jooh pynman ko ya ka Annual Retreat, ha u Wisu namo Naitung (March or April).
Ka GAVI Board pait ko ya i rukom krehkaam ka Vaccine Alliance wei i rukom pynkrehkaam ya ki programme yong ka. Ka GAVI, Vaccine Alliance embynta ko wow yada ya ki mynsien bru, u pynduna ya i dooh, wow yada ya ka pyrthai na i kjut ki khlam heiwa da ye ko leh u yarap e dawai cha ki 822 Million tam ki khynnah ha ki ri wa dooh ka pyrthai wei da ye u pynduna yei yap ki 14 Million ngut.
