Chah ujor FIR ka kyrtong ka NPP neidaw wa ym ye ko u su ya ka ram ko

Jowai: Ka wi ka bru wa tip kam ka Mildres Pyngrope da ujor FIR kylla ko ya ka Havergail Bareh kawa man leh kam ka kyrtong ka NPP na Jaiaw deiwa ong wa su ko ya ka ram da ka Cheque ka wym lai wei da kyntait ka Bank la arsien ya kani ka Cheque ha ka 07-11-17 wa 02-02-18.

Da ong ko wa i kam ka Havergail wa dadep su ya ka ram wa T. 28 Lak toh iwa thok heiwa ka State Bank of India, Mawlai Branch da kyntait ko ya kani ka Cheque wa em ya u number 989955 neidaw wym dap poisa hapoh ka Account ka Havergail.

Ka Pyngrope da ong ko wa sñiawphylla won ko u yoo cha ki khubor wa ka Havergail kam ka kyrtong MLA da pynbna ko wa chongdor ko palat T. 5 Klur.