Ka kynthai kawa da mih paidbah wow khana yei chah slaitbor ko ha ki ha soo ngut ki chynrang, da chah takit kylla ko hapoh ki kyndon ka aiñ Protection of Children from Sexual Offences (POCSO) Act deilang waka IPC.
Katkam wa pyntip u Superintendent of Police ka East Khasi Hills, da ong u wa uwi na ki soo ngut wa chah pynbaad slaitbor ha kani ka kynthai toh uwa dang em hapoh 18 snem i rta, wei da ujor FIR kylla u ha Rynjah Police Station ya kani ka kynthai deiwa ong wa kani ka kynthai da leh khlemakor ka oo.
Uni uwa e FIR da dawa u na ki pulit wow pynchitom ya kani ka bru kawa da leh yeini i kaam pyrchah ya oo ha itai i por wa ka da ong ko wa chah slaitbor ko iwa da jia ha u Naikhynde 2023 ha Shillong.
Kam wow pynkynmoo wa ki pulit da dep ki wow kem ya soo ngut kiwa da chah pynbaad slaitbor wei uwi na ki toh uwa dang hapoh 18 snem hadien wa kani ka bru da e FIR wei da tip ko leh yeini wa jia yaka hadien wa poor ki Video wa riñ da kini kiwa chah pynbaad slaitbor.
Heiyatoh wa kani ka FIR wa thymme, u SP da pyntip u wa da Register hapoh ka kyndon aiñ POCSO wa IPC, neidaw wa utai u khynnah heipor wa jia dang em u hapoh 18 snem wei ka takit hajrong i chah pynbaad mar kylliang dang lai ko chakhmat.
Discussion about this post