Jowai: Katkam wa pyntip ki pulit, haka 18-01-19 u Monlang Ladong waheh chnong ka Lumshnong wa u Halbert War, Secretary ka Lumshnong da ujor lang ki pyrchah ya ki arngut kiwa na chnong Lumshnong wa e NOC ki cha u Member Secretary ka Meghalaya State Pollution Control Board wa cha u DC ka EJH yow pynman ya ka Public Hearing ka M/s Star Cement Ltd. wow pynheh ya ka paar tih moochuni yong kani ka karkhana.
Ya ki arngut da tip kam u Hanjan Siangshai waka Amita Siangshai naka chnong Lumshnong kiwa da e NOC haka 18-01-2019 ki cha u Member Secretary, Meghalaya State Pollution Control Board (MSPCB) kawa da phah leh cha u DC, East Jaintia Hills, yow e bor ya kani ka karkhana u pynman ya ka Public Hearing yow pynku yei pynmih moochuni ka M/s Star Cement Ltd. naka 9 lakh TPA cha ka 25 lakh chi snem.
Kiwa ujor da ong ki wa kiwa e NOC da leh ki khlem yohbor naka Executive Committee ka Dorbar Chnong wei da thok ki leh ya kiwa chong chnong wow soi pyrtuid ki wow pdiang ya kani ka Public Hearing.
Discussion about this post