Shillong: Katkam ka yutip wa yoh na ki pulit da ong wa ka tre ka ‘Stay Four Seasons’ Guest House, Bishnupur, Shillong da booh ujor ha ki pulit ha ka 2 tarik heipor kamwa 7:30 i miet pyrchah ya u Sanbor Shullai, MLA kamjooh ya u PSO wa uwa yah kari yong oo.
Ha kani ka miet kini ki le ngut da lai ki cha kani ka Guest House wei da sdang ki u awri awra ya ki bru wa em heini kiwa wan yaleh kreh chipai.
Da pynbaad ko wa u Sanbor Shullai da knieh u ya ki kot ki sla hei yatoh wa kani ka Guest House na u payu yong ka u Micky Passah wei manda pyrchah u (Passah) yeini da sdang u Sanbor wa ki bru yong oo wow jrong kti ya u passah.
Da ong wa ha ini i jia da jrong kti ki leh ya kiwa kreh kamjooh kiwa sah (Guest) ha kani ka yung wei da noh leh ya ki yusong (Luggage) yong ki cha lait. Hadien ini waroh kani ka tre da lai yachem ko ya u Sanbor wow yaklam yasuk yeiwa jia ha ka miet ka 2 tarik tangwa manda poi ha yung u da sdang u wow awri sa kani ka tre wei da pynemkaam u ya ki kyntien khlemakor
Discussion about this post