Jowai : Katkam ka khubor na ki pulit da pyntip ki wa da yoh ki ya kawi ka ujor ha Ummulong Beat House na u Doni Mukhim uwa na chnong Madur.
Ha kani ka ujor da kynnoh wa uwi u bru uwa tip kam u Heimon Phawa uwa 22 snem i rta uwa chong wa sah ha Wahiajer da bood wei da maham u ya ka khon u Doni.
Da pyntip u wa ha ka 18 Naichiphaw da chong yalang ki pyn ar ki manyung heiwa u Heimon Phawa da kular u wym pynwit wei ym maham de u ka.
Ha ka miet yong ka 30 Naichiphaw u Heimon da psiah yabor u ha yung ka Dr. Maria Syngkon heiwa ka kynthai wa chah maham kreh nongsngi ko, ini i yung em i ha Ummulong. Da ong wa heipor wa psiah u Heimon hapoh ini i yung da jia ryngkat wa yoo u ma Leo Laloo yeini heiwa da yut wot u bak næ neini i thaw.
Hei yatoh weini ki pulit da kem ki ya u Heimon wei da register case ki pyrchah ya oo.
Discussion about this post