Ynne i janmiet hapyrdi i kmen i sñiawbha yong ka Christmas heipor wa dang lai chaad Carol ka Balang Presbyterian Thadlaboh da em i jia wa sñiawsih heiwa kawi ka manbei da chah yooh ko na kjat timun ha kawi ka kari hajan Madan Daimasi.
Kani ka kari toh uwa yah da uwi u khynroo u wym pu tip tikna yei rta uwa na Jowai hi.
Ki paidbah da pynbaad ki wa da muaid u wei da chem ki leh ya ki klong Beer napoh ka kari.
Uni uwa yah kari da ong u wa yait u ya kawi ka Scooty wei heipor wa yait da toh yooh bakla u ka kani ka manbei.
Neiliang ki waheh ka Balang da ksoh ki ya kani ka kari hadooh wa poi ki pulit kiwa da rah ya ka kari kamjooh wa uwi uwa em hapoh cha Jowai Police Station katwa ka manbei won da yah ya ka cha Dr. Norman Tunnel Hospital.
