Ynne heipor kamwa 12:10 chiteiñ sngi da em i jia wa sñiawsih ha Iawmusiang, Jowai heiwa uwi u bru wa tip kam u Shibor Pyrtuh (37 snem) da chah yooh u ha kawi ka Truck 12 chaka hadooh wa tkut ka kjat timun u.
Kani ka Truck wa em Number ML-10C-1782 kawa yah da u Holdme Susngi toh kawa wan neiliang Mihmyntdu yow lai cheiliang Amlarem wei manda poi ko ha chrooh ka yung krehkaam u DC (hajan ka Nan Kasari), neiliang u Shibor da pyrchang u wow ku ha kani ka Truck heipor wa dang lai ko.
Neiliang uwa yah kari kamjooh uwa yarap ya oo ym em yoo ki yeini heiwa u Shibor da tler u wei da haap u hakhmat ka chaka ka Truck kawa da yooh ya oo na ka kjat timun u.
Ya u Shibor da kit cha Woodland WK Hospital wei hadien da kit won cha Shillong.
Neiliang ki pulit da rah ki ya uwa yah Truck wei da kem ki leh ya ka Truck.
Discussion about this post