Kiwa chait na u COVID-19 hapoh ka jylla da ku ki cha ka 45 ngut hadien wa em sa arngut kiwa chait ynne, iwa da pynbna leh da u montri rangbah ka jylla u Conrad Sangma.
Kini ki arngut kiwa chait toh kiwa chah sumaar ha South West Garo Hills ki chynrang wei deiwa chait kini, kani ka District da lait ko na u COVID-19.
Ki District kiwa dang em ya uni u khñiang toh ka East Khasi Hills (33), Ri-Bhoi (15), East Jaiñtia Hills (1) wa West Garo Hills (3).
Kiwa dang em ya uni u khñiang da hiar ki cha ka 52 ngut.
Kam wow pynkynmoo wa ynne ka sngi da dep pynbna leh ya ki 4 ngut kiwa dang yoh COVID-19 kiwa 3 ngut ki BSF wa uwi wa wan na Tripura wa chah sumaar ha NEIGRIHMS.
