Da u Soolangki D. Laloo
30 tarik Naiynru wow sah kynmoo,
Khmat bru kat kiwa yoo;
Neibynta i chait i khiah wei khooid i pliah,
Dong Tympang da kitkhia u kreh.
Dei yong tre yung u leh u kitkhia,
Chynna thaw yei wache wa thaba;
Emkaam chooh chooh u pynjanai dei montyrna,
U man ya kiwi, ka nongmuna wabha.
A lok, a jor wa lai wa wan, wa chongyaw chonghat,
Neini chakhmat noh yei jhep i jakhlia dei wa syndong antaad;
Ham ong, leh kamwa jooh wym em wa pait,
Ya saboi pathan yaphi u poi cha walait.
Kynmoo i burom wei naam wabha ka chnong ka thaw u booh u siang,
Chong ko hei ye u wanrah yei khooid i pliah Iawmusiang;
Lada kam kiwa chong chnong, ki chongyaw chonghat ye i u leh yeini,
Sah khana parom wym wiar wym plæh hadien ki sngi.
Dong Tympang, tia chaphrang,
Kyntien e mynsien ya phi waroh lang;
Hapyrdi i kreh em ki waroh em kiwa beiñ,
Han kamtæ leh, ham keiñ ham keiñ du ha chiteiñ.
Kyntien pynkut heini u booh,
Ya warohlang salonsar i jooh;
Khon ka chnong ka thaw yakrehlang emkaam i,
Duhai wohdong wohdaw wei ya kdaw-kti.
