Ka EJNC-5 Shnong Circle, hadien wa da yoh ko yaka ujor naki paidbah ka chnong Mutong, East Jaiñtia Hills District, hajrong i chem chitom ki hei dooh um nadooh wa ka umkor sorkar kawa toh neibynta ka chnong Mutong ym em de poi ko nadooh u snem 2018.
Kiwa yahkhmat yong ka seiñ haka 7 tarik uni u bnai da lai pait ki yaka thaw pynlang um (Water Tank) yong katai ka umkor yong ka chnong Mutong, heiwa da chem wa ki Pipe um da tkut da sih ki nadooh i thaw pynlang um ter ter chadooh ki thaw wa taan ya katai ka umkor na ka wah kawa haap hapoh ka khloo sorkar ha Mukhaialong, wei da chem leh wa em i kær dam ya katai ka wah, wei kiwa yahkhmat yong ka EJNC- 5 Shnong Circle da suba joor ki wa ye u man wa i kær dam ya katai ka wah ye ko wow man i daw yong i sangeh wan katai ka umkor sorkar, neibhah wa ya katai ka dam da sdang ha u snem 2018-2019 lyngba ka Centrally Sponsored Scheme (CSS) Integrated Development Wildlife Habitat, (Community Reserves).
Hadien i lai pait ka seiñ, da pyrchang ki wow yachem ya u SDO yong ka PHE, EJHD yow yoh yei yutip wa rap bniah hajrong ini i kaam, tangwa na i daw wa u SDO dang lai Training u cha baar ka jylla kamtæ ym em u yoh wow yachem wa oo, kamtæ daw lai yachem won.
Ha i jooh i por, ka EJNC da kyntu ko yaki MDC wa MLA ka thaaiñ wow chimkhia u booddien ya i eh yong ki paidbah khamtam cha ki thaaiñ nongkyndong.
Ka kyrwoh na u Keling Phawa, President EJNC-5 Shnong Circle.
