Jowai: Hadien wa yoh ya i ood na kiwa chong chnong yong ka Trangblang wa ki marjan chnong, ka JSU War Jaiñtia Circle da hiar ko cha kani ka thaw wei da chem yei eh yong ki ha i lai i wan neidaw wa da pynsangeh yei chna ya u sarok.
Ka seiñ da yoh yutip ko wa hadien chi bnai wa da dep wow tih ya ki thlu nala tangwa hadooh katni leh ym pu em pyndap chyiap, ki mooria wa kiwi kiwi ki tiar wa emkaam kamjooh ki wakreh wow chna pyndep ya uni u sarok.
Ini i sih kani ka sarok da booh ko yei eh ya kiwa lai wa wan yong kiwa na ka chnong Pdengshakap wa ha Trangblang wa kiwi won ki chnong wa hajan khamtam katni ha ki por lyiur.
Kamtæ ka seiñ lyngba ka kyrwoh wa da phah da u Publicity Secretary u Vikash Dkhar da dawa na ka PWD wa na u Contractor wow pteiñ noh wow chna pynbha ya kani ka sarok. Ka seiñ ha i yahkhmat u President u Eddy Kery Pohtam da e por ki chi tayaw wow chna noh ya kani ka sarok wei lym kamtæ lada ym pynchna ya uni u sarok daw pynchna hi da ki wei daw leh ya iwa emkaam.
Discussion about this post