Chem chitom ki puilt wow takit ya u khynnah heiyatoh i yap kawa dang 4 snem

Ki pulit dang ngam yillu chooh chooh ki heiyatoh wa i chah pynyap ka khynnah wa dang 4 snem ha Nongrah, Nonglumbrei.

Katkam wa khana u Superintendent of Police ka East Khasi Hills District, u Vivek Syiem, neidaw wa u khynnah wa emkti toh uwa dang khian rta, ya ka takit da ye wow leh deiwa yoh bor na ka Child Welfare Committee wei manda takit da leh deiwa em ki Councellor.

U SP da ong u wa neidaw wa kiwa takit da ngam yillu ki yeini wa jia wei ym kwah ki wow pynkut yei takit du iwa yatoh wa yap nei ngam um, tangwa kwah ki wow takit leh boi uni u khynnah em u iyi iyi i thmu wa sih kam i thmu wow slaitbor.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Tangwa da ong u ymphær lada ym em kiwon kiwon ki dak ki chin wa kani ka khynnah chah leh ko kamni neibhah hap hi wow takit.

U Vivek da pyntip u wa neiliang ki pulit da rap chem chitom bha ki neibhah wa da eh u lai chakhmat wow takit ya uni u khynnah wa dang 13 snem i rta uwa da em kattæ ha i thaw wa man kyrpang wei ka takit leh da lai ko suki jai neibhah wym ye u takit ya uni u khynnah kamwa ye u takit ya kiwi kiwa leh ya ki kaam sih.