U Reachingson Siangshai uwa man kam uwa yaleh RTI kamjooh wow dawa wanrah yei kylla i rukom krehkaam ka DSC ka East Jaiñtia Hills, ynnin ka sngi da lai yachem u wa u DC yow booddien yeiwa da chim rai wow wanrah deiwa thymme hawa khut yaleh kreh.
I lai booddien man ko khamtam ya ki kreh Grade-III wa Grade-IV kiwa da khut yaleh kreh kattæ heiwa kawi na ka rai wa da chim wow pynkrehkaam toh yow khang ya ka Internet ha ki bynta wa pynman yaleh Exam.
Heiyatoh wa ini u DC da pyntip u wa dadep paan bor na ka Home (Political) Department kawa da ong wa ini man iwa eh u leh neibhah daw ktah ko ya kiwa boon. Neiliang u Reachingson da ong u wow pynemkaam da ki Signal Jammer heiwa u DC da ong u wa daw pait lada em poisa ka DSC wow leh yeini.
Neiliang u Reachingson da kyntu u wow bood yeiwa dadep chim rai nadooh wow pynmih ki Answer Keys, ki Cut-Off Marks, i booh CCTV wa kiwi de yow man ko dei kaam ymtoh ha ka kot donhi.
Puræ leh: Mynjur ka DSC ka East Jaiñtia wow pyndam Internet, u booh CCTV hawa yaleh Exam wa kiwi de
Discussion about this post