Chem dien u DTO wa chna kot kari thok uwi u bru

Jowai : Katkam ka yutip wa da yoh u Wyrta da ong wa da em uwi u bru uwa kreh hapoh ka HSRP (High Security Registration Plate) kiwa pyndait Number Plate uwa da chna kot kari thok. Hei yatoh weini da lai yachem wa u DTO yow yoh yeiwa che.

Ka HSRP toh kawa da e contract cha ki bru samen wei ymtoh kawa pyllai da ka ophis u DTO.

Neiliang u DTO u ma P. Laloo da pyntip u wa ha u bnai wa da dep da chem wa uwi na kiwa kreh hapoh HSRP uwa tip kam u A. Syntem da chim poisa u na kiwa tipmit u yow pynyoh number wa ki kot kari kam ka Registration Certificate (RC).

Uni u bru da chim u da kiwi ki RC warim wa da dep soi pyrtuid u DTO heiwa da phah scan u ka yow yoh ya i soi pyrtuid u DTO wei ha ka RC wa thymme da booh u ya ki Engine Number, Chasis Number, wa kiwi kiwi wei da booh u ya i soi pyrtuid u DTO warim u C. Khonglam wei da e u ya u number kani ka kari pynda oo hi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien wa em wa pyntip cha ka office hei yatoh weini, ka office da sylli ko ya kini ki kot wei da chem wa kani ka RC toh kawa thok.

Manda chem dien ki yeiwa leh thok uni u bru da pynuiñ u ya ka poisa wa da chim u wei da leh noh ya ki kot ki sla wa biang na ka Office u DTO.

U DTO da pyntip u wa neiliang ka HSRP da pyndam kreh ko ya uni u bru wei da kyntu u ya ki paidbah wa lada emkaam ki u leh ya ki kot wow lai ki pyn daki hi khnang yow lait ki u chah thok kamni.