Jowai: Ka seiñ All Jaiñtia Student’s Union-Khanduli Unit hadien wa yoh ujor ko na ki paidbah wa chong chnong ka Khanduli wa ha Mukoiram wa dai syad dor u Dealer phniang charak hapoh ka chnong wei da ood ki leh yei ku dor ini i phniang charak man u bnai.
Neiliang ka seiñ da lai thooh yutip ki na ka yungkrehkaam u DC ha Jowai kiwa da pyntip wa i dor man i T. 29 chi liter tangwa ha Khanduli da dai hadooh T. 35 chi liter. Ka seiñ da ong ko wa sñiawthooh hi ko wa emkaam wow yoh nong hawa dai tangwa ym toh u dai syad won kawa chim kabu ya ki paidbah kiwa pli kiwa dooh wa duk.
Neiliang ka seiñ leh da sñiaw phylla ko yei ku dor man u bnai hanlada em ki por ym em pynku dor ka sorkar katwa kiwa dai won pynku dor ki, kamtæ neiliang yong ka daw ujor pyrchah ko ya kiwa dai syad palat yeiwa da booh ka sorkar kiwa leh embor ha kini ki ar chnong wei da dai ki leh i jooh i dor cha kiwa em ya ka BPL Card.
Ka seiñ leh da kyntu joor ko ya u ADM u DM Wahlang uwa pait ya kani ka kaam yow lai tuklar u yei dai syad ya i phniang charak.
Discussion about this post