Ka District Election Officer, East Khasi Hills District da pyntip ko wa da yoo lynbga ki khubor wa mih heiyatoh wa ki yalang pynman yalap Election wa da em ki thaw wym em bood ya ki kyndon yada COVID-19 heipor wa pynman kamjooh wa hadien wa pynman ya kini ki yalang.
Kamtæ da ong wa ka Election Commission of India (ECI) ha ka 28-09-21 da kdaw ko ya kiwa hoi u leh wa ki wym hoi u leh hapoh ka Model Code of Conduct wei ki kyrtong da yooluti na ki wow bood ki ya kini ki kyndon heipor wa yalap Election, hawa pynman ya ki yalang wa kiwi kiwi de.
Najrong ki khubor wa da yoo, ka District Election Officer da pyntip ko leh wa ki Flying Squad wa booh da ki Returning Officer da khana ki leh yei wym em bood kyndon heiwa ym em sap Mask da kiwa pynman yalang kamjooh leh da kiwa wan cha ki yalang wei ym em leh pynyajngai namo wow bood ya ka Social Distancing tang kajiak leh.
Chooh chooh da ong wa hawa e bor wow pynman ya kini ki yalang, da kdaw che da ki RO wow bood ya ki kyndon wei ym toh wow lehstiñ yeini lane wow tyngkheiñ chynnam.
Hajrong ini da phah ya waroh ki kyrtong wow bood ya ki kyndon yada COVID-19 neibynta i bha i miat i chait i khiah yow lait biang u ku i poor ka khlam neidaw wym bood kyndon.
Lada pteiñ wow tyngkheiñ ya ki kyndon, ym e bor de wow pynman ya kiwon kiwon ki jait yalang yalap Election hapoh waroh kawi ka Constituency la da u kyrtong kamjooh da ka Party.
