Ka Hynniewtrep People Front (HPF) da pynbaad ko wa em i chim poisa hadooh T. 200 samen wow chondur Aadhaar hapoh ka chnong Tyrso Pdeng wei yeini da chim wot na ki tymmen wa na kiwa duna hei doh i pran.
U President yong ka HPF ka chnat Tyrso, u Lestar Mawlong da ong u wa hadien wa da yoh yutip yeini da lai pynsakhiat yeini deiwa lai chondur Aadhaar wow chem yeiwa sakhiat waroh heiwa da paan ki na oo T. 200 wei da su leh ya ka poisa wow chem yeiwa sakhiat.
Hadien ini, u President ka HPF da Phone u cha ka Deputy Commissioner ka Ri Bhoi District wow pyntip yeini wei neiliang ka DC da ong che ko wa ym emkaam wow su poisa hawa chondur Aadhaar.
Neiliang ka HPF da beiñ joor ko yeini i chim poisa T. 200 wei ka seiñ ym elaad ko yeini.
Hajrong ini, neiliang ka Deputy Commissioner ka Ri Bhoi District, ka RM Kurbah da phah takit ko ha u BDO ka Bhoirymbong Block wei dang yang ya ka bui hajrong ini i pynbaad.
