I leh habra ka Company Jio da chem da ka seiñ HYC Amlarem Unit heiwa da chem wa ya ki kor ki bor wa pynemkaam ha u Tower yong ka Jio wa kiwa boon hi toh kiwa da sih noh wei da ieh hi-eh khlem pynchna de iwa da pynman wow dooh Network khak-khak ha Amlarem Sub-Division.
Ka seiñ leh da chem ko wa da em uwi u Battery wa da pynemkaam da artylli ki Company kitæ ka Jio waka Airtel iwa da pynman yaka Network wow tlot chooh chooh neibhah wa em du uwi hi u Battery wei ym ye u wow kit ya waroh ar ki Network khamtam ka Jio kawa mar ya dooh bordiñ wiar wot ko.
Ini i thut ka Network da ktah ko chiboon ya ki bru ka Amlarem Sub-Division wei khamtam dooh da ktah wot ya ki Bank ki Hospital wa ki yung krehkaam waphær waphær kiwa em hapoh ka Sub-Division kiwa pynemkaam ya ka Network man-ka-sngi.
Kamtæ neiliang ka seiñ ka dawa ko wa ka Company Jio u pynchna smat ko chisyndon ya ki kor ki bor kiwa da sih wei wow pynemkaam noh da u yong ka hi ka Battery khnang wa ka Network ym pynthut de ko neini chakhmat.
