Ka Indian Council of Medical Research (ICMR) ha i sylli (Study) bniah yong ka da chem ko wa i dawai yada COVID-19 wa da chna hapoh India, i COVAXIN toh iwa krehkaam pyrchah ya ki khñiang wa mih thymme (Mutant Strain) COVID-19.
I COVAXIN toh iwa chna da ka Bharat Biotech na Hyderabad chirup wa ka ICMR, wei man i iwa na i dawai wa da chna hapoh India hadien i dawai ka Serum Institute of India, i Covishield.
Ya kini ki dawai da e ya ki bru hapoh ka ri wei i dawai iwa le toh iwa na Russia, i Sputnik V.
Ka National Institute of Virology (NIV) kawa man ka chnat ka ICMR ha Pune da sylli bniah ko ya ini i dawai heiyatoh wa i krehkaam i wa kiwi ki jait uni u khñiang u SARS-CoV-2 wa kynthup ya u COVID wa mih na United Kingdom, South Africa wa Brazil.
