Ynne ka sngi ka seiñ Jaiñtia Students’ Movement-Jowai Circle hapoh i yahkhmat u President yong ka, u Emi Ryngkhlem wa kiwi ki dkhot da chem ki wa ha talawiar ka sor Jowai nadooh u sarok Jowai Bypass, Poh-Hali, Thomas Jones Synod College, Yingkieñ Myntdu, Iawmusiang wa kiwi kiwi ki thaw da dap ki du i jhep iwa da smatung wa noh ki paidbah neidaw wa ym em de kiwa wan kit jhep na ki thlu-yung ki bru.
Ka seiñ da ong ko wa ini i noh khiar ya i jhep iwa da sdang tung daw ktah i ya i chait i khiah ki bru paidbah.
Hajrong ini ka seiñ da dap ko dei mynsien wa khia wei da kyntu ko ya ka sorkar wow leh noh yeiwa emkaam hajrong ini waroh.
Kani toh katkam ka wyrta na u President ka JSM- Jowai Circle.
