Ka seiñ KSU Jowai Unit, hapoh i yahkhmat u General Secretary yong ka, u Leonard Dhar wa ki dkhot ha ka 28 Thohlakhmi da lai kynreh ki ya ki kot ki sla kam ki Trading License, Labour License wa ki Work Permit kamjooh leh ya kitu kiwa ympu kynjoh 18 snem i rta kiwa kreh ha Mihmyntdu, West Jaiñtia Hills.
Ha ini i lai kynreh da chem wa em 10 ngut kiwa khlem ki kot ki sla wa biang, da em leh kamwa ar tylli ki dukan wa da chah khang neidaw wa ki License wa em ki toh kiwa da kut i por.
Ka seiñ hadien wa chem ko ya kini ki bru kiwa khlem kot da phah ya ki cha Jowai Police Station wow leh yeiwa emkaam.
