Ka Khasi Students’ Union Shillong Mihngi Circle hapoh i yahkhmat u Sonstar Nongkhlaw uwa man kam u President deiwa synran ki dkhot ka Central Executive Council, u Osternic Marbaniang, uwa man u Organising Secretary, CEC wa u Iashan Mukhim, uwa man u Assistant Organising Secretary ynne i step ka 24 tarik da chem ki wa ki baar jylla kiwa em hadooh 380 kiwa kreh pyrchah ya ka aiñ khlem ki kot ki sla kiwa tikna ha IIM Umsawli.
Hadien wa ka seiñ da takit bniah da chem wa kini ki bru da yah lang ki wa ki kurim deilang wa ki khon khian cha katai ka thaw wa kreh mylla ki wei ini da pynkhyrngiat ko yaka seiñ.
Ka seiñ da ong ko wa ym kwah ko wa ha New Shillong u mih ki Bengali Colony, Nepali Colony, Marwari Colony, Bihari Colony næ Punjabi Colony.
Chooh chooh da ong wa ki jaitbru yong i hawa lai mylla ki manda dep ki yei kaam da liwan ki cha yung wei ym jooh ya ki wa ka kurim næ ki khon ki kti.
Da phylla leh wa kammon kini ki bru yow ki wow psiah laitlan lyngba ka Infiltration Check Gate, deiwa kylli wa lada ki wakreh yoh thiah ki mo?
