Jowai: Ka Khasi Students’ Union War Jaiñtia Circle da pyntip ko wa ym ye de ko u chong kli kti ya iwa leh pyrchah aiñ ki truck wa challan moo cha Bangladesh kawa man cha palat u pood ka khayi pateiñ.
Ka seiñ da chem ko wa chilynter u sarok khamtam hadien wa da dep thaw khia ha ka Weighbridge kawa em ha Sohkha, ki truck toh kiwa kit palatpood wei ini da booh ko hei ma ya i lai i wan ki paidbah wei da pynsih smat ko ya u NH(E)-40.
Ka seiñ ym sñiawthooh ko iyi i daw wa ka tai ka Weighbridge ym phah pynhap ko ya kitu ki truck wa kit taam ya ki moo.
Ka seiñ da ong ko wa lada kamni bha wow pyndooh noh ya kani ka Weighbridge kawa em hapoh Sohkha da ka bor sorkar. Kani ka Weighbridge toh kawa da booh wow thaw khia katkam wa da booh ka sorkar khnang wa ym ktah ko ya ka sarok wa i lai i wan ki paidbah yow lait ki nei chong syier mynsien.
Kamtæ ka seiñ da kyntu joor ko ya ki bor wa toh u piat ya ini yow sylli smat ki yow lait ki u yoh u leh katwa ngait.
Discussion about this post