Ka seiñ Meghalaya People United Front (MPUF) ha kini ki sngi da yoh ujor ko na ki paidbah wa duna i phñiang wa dai ka Syngkon Lyngdoh Filling Station, kawa em ha Laskein, West Jaiñtia Hills.
Kamtæ ha ka 16 tarik uni u bnai hapoh i yahkhmat u General Secretary ka Central Body hei emlang u President ka Laskein Unit wa kiwi ki dkhot da lai sylli ki ya kani ka thaw thap phñiang kari.
Ka seiñ ha kani ka sngi da phah ko ya u Manager wow sai ya ka tadong thap phñiang wa san liter wa dadep pyntikna namo Certify da ka Metrology Department heiwa da chem wa duna i phñiang na ka chi liter.
Hajrong ini i chem ka seiñ da ujor ko ha ki pulit ka Raliang Police Station kamjooh leh cha ka chnat Metrology heiwa da pynman leh ya ka Joint Inspection.
Neiliang u Officer In-charge ka chnat wa pait ya ka East wa West Jaiñtia Hills da ong u wa kamwa man katni ympu ye u ong iwon iwon wei daw yaklam u wa ki Engineer wa pyndait ya kani ka kor theh phñiang khnang wow ye u leh yeiwa emkaam.
Ka seiñ da ong ko wa daw lai ujor ko cha ka District Consumer Forum hajrong ini.
Discussion about this post