Jowai: Ka seiñ kiwa yah thuk thuk wa tip kam ka The Ultimate Legend Bikers Association (TULBA) Mawlai Unit da pyntip ko wa hapoh i yahkhmat u President u Evandor Lyngdoh Nongpiur hei emlang ki kattu katni kiwa kitkaam da lai ki wow sylli cha Lawmali, Shillong wei da chem ki wa dap da i jhep wa da pyllang pynkhooid tangwa da ieh tymbud u sarok kiwa ym em kit da boon tayaw.
U President da ong u wa kiwon kiwon wa toh u pait ya kani ka kaam toh u pynkhooid ki ya kani ka thaw wei lada em ki Contractor wa leh ya kani ka kaam toh u sñiawbha ki wow kit noh chisyndon ya ini i jhep ym toh u ieh hi eh kamni.
Da ong u leh wa i em ini i jhep da ktah ko chiboon yei lai i wan ki kari hadooh ki thuk thuk wei ka sarok da man chwa ko kawa khian khamtam manda ki khynnah skur kiwa lai kjat na kani ka sarok.
Kamtæ neiliang yong oo da kyrpaad ya kiwa toh u pait ya kani ka kaam wow kit ya ini i jhep yow man ka luti ka syngkeiñ kawa khooid wa suba.
Discussion about this post