Shillong : Ki chipai ka Special Force-10 (SF-10) yong ka Meghalaya Police ha kani ka 10 tarik da chem ki ya kawi ka thaw e sikai (training camp) wa da chna da u heh ka GNLA u Sohan D Shira hapyrdi khloo ka South Garo Hills District.
Kani ka thaw da sikai ya kiwa dang psiah thymme ha kani ka seiñ GNLA. Ha ini i yaleh wa ki dkhot ka SF-10 u heh ka GNLA da yoh u wow yut na ini i thaw iwa em ha Durama Hills.
Kani ka thaw em ko kamwa 6 km na ka chnong Dabelgre wei ki bor pulit da tip ki leh wa ha kani ka thaw da em leh ki bru na ka seiñ ULFA kiwa yarap ya ka GNLA u ya siat wa ki pulit iwa da neh hadooh chi kynta.
Kani ka thaw e sikai man ko ka thaw kawa ye u e sikai hadooh kamwa arphaw ngut kiwa dang psiah cha kani ka seiñ GNLA da ki bru ka ULFA.
Na kani ka thaw da yoh ya kawi ka suloi chi ktang, ki tiar tympdung, ki kot ki sla ka GNLA, ki chithi dawa poisa wa kiwi kiwi.
Discussion about this post