Shillong: Ynne i step ki pulit da lai chimkti ki ya ka wi ka metyap yong uwi u bru kawa pasi ha uwi u dieñ wa em ha kawi ka khloo ha 3 Mer, Upper Shillong.
Ya ini i metyap da chem nyngkong da ki khynnah skur kiwa lai lyngba kani ka thaw wei da lai pyntip ki cha uwa pait ya kani ka khloo kawa man leh ka khloo sorkar uwa da pyntip won cha ki pulit ka Jhalupara Out Post kiwa lai wut wut cha kani ka thaw.
Katkam wa pyntip kiwa ha yung da ong wa ya uwa pasi da tip kam u Deibormi Khyllip (40) uwa chong wa sah ha ka chnong Umlyngka wei da wiar u na yung nadooh ynnin ka sngi.
Katkam wa pyntip kiwa ha yung da ong ki wa u Deibormi barabor kwah u wow yap noh wei da suba da chim u pynda-oo hi yei mynsien yong oo hi katwa ki pulit won dang pynman ki ya ka takit.
Discussion about this post