Jowai: Ki pulit ka Amlarem hadien wa yoh yutip ki wa em kiwa tih mooyong be-aiñ pyrchah ya ka hukum ka NGT da lai li hiar ki cha ka thaiñ Skhentalang yow pynsakhiat ya ini ynne ka sngi.
Ha ki takit yong ki pulit iwa yah khmat da u SDPO Amlarem u Jason Mairom da chem ki ya 4 tylli ka paar mooyong wa suba toh kiwa dang khih ki bru neidaw wa chem ya ki pump um wa dang krehkaam, ki Battery wa heh wa dang kreh kaam, ka kor drill, ki pipe wa kiwi kiwi.
Kini ki paar mooyong toh ki wym em bru heipor wa wan ki pulit.
Neiliang ki pulit waroh ki tiar wa ye ki u rah da chim lut ki ki wei daw pyntip ki cha ka yungbichaar chaphang ini.
Ki pulit da pyntip ki leh u pteiñ ki yeini i sylli ya ki kaam pyrchah ya ka hukum ka NGT.
Discussion about this post