Ki pulit ka Mizoram ha ka kyrwoh wa pynlait ki da pyntip ki hadien wa lai kynreh ya kitu kiwa em ILP ha kiwa boon ki thaw da chem wa ki baar jylla toh kiwa da pynemkaam da ka ILP wada kut por iwa man pyrchah ya ki kyndon ka ILP.
Ki pulit da pyntip ki wa kiwa em ILP kamjooh kiwa bahkhlieh yeini namo ki Sponsors toh i kaamram yong ki wow pyntikna wa hap ki wow liwan manda dep ki yei kaam yong ki nadooh kiwa kreh mylla wei hap ki leh wow pynyuiñ ya ka ILP yong ki manda pyndep ki yeiwa toh u leh ki.
Kiwa Sponsor toh u pyntikna ki wa ki kaam wa da leh toh u man ki thij kamwa da e hapoh ka ILP wei ym ye wow pynkylla yei man kam ki Sponsor cha kiwi wei toh i kitkhlieh yong ki wow pynthymme ya ka ILP lada toh iwa emkaam.
Toh leh i kitkhlieh kiwa Sponsor wow pyntip cha ki DC chaphang kiwa yoh ILP wei kini ki wakreh hap ki wow kreh hapoh yong u Sponsor yong ki donhi ym toh cha yong kiwi.
Lada hap u pynthymme ya ka ILP, toh u leh 7 sngi chwa u kut ko wei ya ka ILP toh u pynyoo ha ki Magistrate lane ki pulit katkam wa emkaam.
Kiwa khana thok, kiwa leh pyrchah ye ki wow chah pynchitom katkam ki kyndon ka Inner Line Regulation wei lada chem ya kiwon kiwon kiwa da sah hadien wa kut ka ILP ki daw chah pynchitom katkam ka aiñ.
