Chem ki pulit yei metyap u Montri sorkar warim ka Sikkim na ka wah wa em ha Bangladesh

U Montri sorkar warim ka Sikkim uwa tip kam u RC Poudyal da chem yei metyap u iwa da chah kit chadooh cha Bangladesh hadien wa wiar u la 9 sngi.

Ki pulit da suba ki wa da chah rah i metyap u ha ka wah Teesta hadooh wa poi cha Bangladesh wei da ye wow pyntikna wa toh oo na ki sula wa ka waje wa deiñ u.

U Poudyal (80 snem) da wiar u nadooh ka 7 tarik uni u bnai hadien wa mih na i chnong wa sah u iwa tip kam i Chota Singtam iwa em ha Pakyong District yow lai cha yung ka payu iwa em ha Setipool wei hadien wym poi yung u, da lai e FIR ha Pakyong District Police ha ka sngi wa bood.

Hadien wa pynman yei thooh wa slem bha, yei metyap u da chem na ka wah wa em ha Bangladesh heiwa ki pulit na Bangladesh da pyntip ki cha ki pulit ka Cooch Behar District Police ka West Bengal kiwa da pyntip won cha ki pulit ka Pakyong.

Related posts

Yap ar ngut ki manbei wei mynsoo i khonboo wa uwa yah kari

January 25, 2026

Ha ki thaw wym em de ki Khasi wa sah hap wow e Trading License cha ki dkhar

January 25, 2026

U Poudyal da jooh man u leh kam u Deputy Speaker ka Assembly wa nyngkong ka Sikkim wei da jooh man u leh kam u Forest Minister wei da tip ya oo leh kam u bru wa sñiawthooh bha chaphang ka riti dustur wa i rukom im ha Sikkim.

Da man u leh kam uwa sdang ya ka Rising Sun Party wei uwa da pynwandur bha u ya ka kaam saaiñhima hapoh Sikkim ha ki snem 70s wa 80s.

Neiliang ki pulit dang pynman ki ya ka takit yow tip yeiwa jia.