Ha ka 4 tarik uni u bnai heipor kamwa 7:50 i step, u Officer In-Charge ka Saipung PS da yoh Phone u na u Wheh Chnong ka Bamkhowsngi wa da em i metyap uwi u bru wym tipmit wa da chem hei bynta wa man khappood ka Saipung wa Bamkhowsngi ha rood sarok lai kjat.
Heiyatoh wa ini, u SI S. Shadap da thung ya oo wow pynman yei takit.
Hawa pynman yei takit da chem wa uni u bru toh u jaitbru ri-loom wa em 60-70 snem i rta wei da em wa yoo oo wa uiñ u chawah chaneiñ ha ka thaaiñ khappood ka Saipung wa Bamkhowsngi wei da suba wa da yap u neidaw wa joor wa kjam kani ka por tlang.
Yei metyap da kit cha Khliehriat Civil Hospital yow leh yeiwa emkaam wei da booh ya oo ha Morgue Room kani ka thaw sumaar yow em kiwa wan kam.
Uni u bru toh uwa jrong kamwa 5ft wei sap u ya ka T-Shirt rong lieh, ka patlun rong suiñ bneiñ deilang ka Tracksuit rong suiñ bneiñ wa ki muja rong tpai wei thoh rong suñ bneiñ.
Kiwa tip chaphang uni u bru yei ki wow Phone ha ini i Number-9362689175.
Discussion about this post