Katkam wa pyntip ki pulit, haka 11 tarik uni u bnai, u waheh chnong ka Mynkre, EJH da ujor FIR u wa da chem ya i metyap yong uwi u bru wa ym tipmit wa thiah yap hapoh ka chnong.
Ki pulit hawa pynman ki yaka takit da chem ki wa uni u bru toh uwa chah pynyap wei dang pynman leh yaka takit yow tipmit ya uni u bru.
Ya i metyap da phah cha CHC Khliehriat yow pyndep yaka Post Mortem.
Ha East Khasi Hills won haka 2 tarik uni u bnai, heipor 8 waje i step, ki pulit da chem ki ya metyap u bru wa thiah yap ha luti lai kjat wa em hajan Hotel Polo Towers.
Hadien wa pyndep ya iwa emkaam, ki pulit da phah ki yei metyap cha SDM&HO Civil Hospital yow pyndep yaka Post Mortem wei yei metyap da booh ha Civil Hospital Morgue yow em kiwa wan kam.
Ya uwa khlaad da tip kam u Justin Dkhar u khon u Binod Saha uwa sah ha Pynthorumkhrah, Shillong.
Kamtæ ki pulit da kyntu ki ya kiwa emyatoh uni u bru yow wankam ki ya i metyap wei ye leh u phone ha kini ki number ha wah:
- O/C Sadar PS: 0364-2224818/2224400
- Police Control Room, Shillong: 0364-2222214/2222215.
Discussion about this post