Chem u Wailad wa da khooid ka um wa poi ha ka Treatment Plant ka PHE

U MLA ka Jowai, u Wailadmiki Shylla ynne da lai pait lai sylli u ya ka thaw pynlang wei pynkhooid um (Treatment Plant) yong ka chnat PHE kawa em ha Oorkhla Khimusniang, Jowai.

Yeini da leh neidaw wa ha kini ki sngi wa dep da em i ood i naam na kiwa chong chnong ka Jowai wa jngut ka umkor wa da pynpoi cha ki thlu yung wei kamjooh leh kawa em i sma wei kani ka umkor ym man ko leh kawa hoi u pynemkaam. 

U MLA da yoh laad u wow yaklam wei ya phyllu yumut wa ki sahep wa kiwa kreh ka PHE yei long i man ka umkor katni wei da chem wa ynne ka um da man ko kawa khooid wei kawa da biang wow pynemkaam.

Katkam wa khana ki sahep ka PHE, i jakhlia yong ka umkor ha kini ki sngi wa dep toh nei joor palat u slap wa nei yoh roi yei khyndaw iwa da ktah ya ka Wah Myntdu hadooh wa ka um wa poi hei thaw pynlang um wei pynkhooid um da man ko kawa da kylla ktieh.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Wailad da lai pait u leh ya ka kor taan um wei da ong u wa wow pynbha chooh chooh ya ki kor ki bor wa pynemkaam yow taan um deiwa booh da kiwa thymme katkam ka juk wa katni.

Kamwa man kattæ, u MLA da chem u wa ka um toh kawa da biang wow pyndap umbaam ya ki paidbah najrong wa da emlang ka um kawa da taan na Umngot.