Jowai: Ynne ka sngi heipor kamwa 2:00 waje ki paidbah da chem ki ya iwi i metyap yong u bru wym tipmit na Thlu-Ummulong, napoh um ha tre ka yingkieñ Ummulong wa lai u sarok NH-44.
Hadien ini da pyntip ki cha ki pulit ka Ummulong kiwa da wan wut wut cha kani ka thaw.
Ini i metyap toh u chynrang u wym pu tip yei pyrtuid yong oo uwa em hapyrdi 20-25 snem i rta wei da pyntip wa yoodur kam u dkhar. Da em ki dak chah dat u neibynta i khlieh wa na ryngkhi. Em u leh 2 tylli ki Tattoo iwi ha rupai na liang tidiang wa iwi ha kti tidiang.
Uni u bru yoosar da chah tynyap u neibhah wa da kdoh ya ki kti wa ki kjat u da u tylle.
Neiliang ki pulit da ong ki wa da suba wa uni u bru da chah tynyap u ynnin wei dang pynman ki ya i takit hei yatoh wa ini.
Ya i metyap da kit cha Civil Hospital, Ialong yow leh yeiwa emkaam. Lada em wa tipmit ya uni u bru yei ki u phone ha u number SP, WJH – 9856040406 wa ha u Incharge, Ummulong- 9856040375.
Discussion about this post