Jowai : Ynnin ka 8 tarik da yoh ya ka khubor wa ong wa em uwi u pseiñ uwa jrong bha ha ka luti kjat Riatkakiang, ka luti wow lai na Civil Hospital, Pnaliar yow poi cha Syntuksiar.
Neiliang u Wyrta da lai u cha kani ka thaw wow pynsakhiat yeini, manda poi ha chiteiñ riat da yoo ya uwi u pseiñ uwa ya sariem wa u pseiñ Cobra uwa jrong kamwa 7 phut.
Uni u pseiñ wa em heini i thaw toh uwa da yap neibhah em ki dak takha u na khlieh wa na kiwi ki bynta i doh i prang yong oo.
Man i iwa phylla u yoo katni wa mih kam kini ki pseiñ cheini neibhah nachwa niaar bha u chem, tangwa katni dei langær wa chem lada kiwa da yap namo kiwa chah kem ha ki bru.
Katkam ka aiñ Wildlife Protection Act da khang wow pynyap ya ki mrad khloo wei u pynchitom ya kiwa leh deiwa chah kem ym duna ya 3 snem.
Discussion about this post