• About Us
  • Contact Us
  • Privacy Policy
  • Advertise With Us
  • Terms & Conditions
Tuesday, July 1, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Home Crime

Chem yei khonboo wa dang kha na kawi ka wah wa kiwi ki kam pyrcha aiñ

Wyrta Staff by Wyrta Staff
April 11, 2017
Reading Time: 5 mins read
A A
0
Share on FacebookShare on Twitter

Jowai: Ha ka 8 tarik uni u bnai da chem ya i metyap yong uwi u bru wa em kamwa 40-45 snem i rta na iwi i khloo ha Lawsohtun, Shillong. Ki pulit da leh ki yeiwa emkaam wei yei metyap da kit cha Civil Hospital, Shillong yow pyndep yeiwa emkaam.

Ha ka 7 tarik uni u bnai kawi ka kynthai wa dang 17 snem i rta da wiar ko na yung ko wa em ha Madanrting, Shillong heiwa kiwa ha yung ko da ujor ki pyrchah ya uwi u bru wa tip kam u Shikar na Madanrting wa suba ki wa da rah bor u ka chirup wa ki lok u ya kiwa tip kam u Debashish, u Piklu wa u Bathan.

Kiwa ha yung yong ka da ong ki wa da rah ki ka cha Kamargram, Karimganj, Assam.

Uwi u bru wa tip kam u Eisenhar K Sangma da ujor u ha ki pulit wa ha ka 7 tarik uni u bnai heipor 10:15 i miet da chem ya ka tadong wa em ki kuli suloi wada ieh ha ka bonnet kari yong oo wa pynyeiñ u ha pchem yung u ha Dakopgre, Tura yeiwa dang takit ki pulit.

Related posts

Chah ah rdang sa kawi ka kynthai ha u chan tangwa ini won hapoh Hospital deiwa sakhi kiwa boon

July 1, 2025

Chah thok poisa kiwa boon ha kawi ka Company wa pynemkaam boon tylli ki pyrtuid

July 1, 2025

Ha iwon won iwa jia ka Imonmi Tang da ujor ko pyrchah ya u Pyrkhat Suchiang na ka chnong Mowtyrchiah wa da dung u ka ka bei yong ka ha ka 6 tarik uni u bnai heipor 8 waje i miet yeiwa ki pulit dang takit ki yeini.

Ha ka 2 tarik uni u bnai u Biswajit Das na ka chnong Chibinang (WGH) da ujor u wa heipor 6:30 i janmiet da chem u ya i metyap yong uwi u bru wa tip kam u Nekra Rabha uwa thiah yap hajan yung yong oo wei katkam ka Post Mortem da ong wa uni u bru da yap u neidaw wa chah tyrrah u ha ka kari.

Ha ka 11 tarik uni u bnai u Brenath M Sangma da ujor u ha ki pulit wa ha u Naisaphra u snem 2016 u khon u uwa tip kam u Jackeus C Marak uwa 17 snem i rta da chah pynbiej u ha u Sanjit M Sangma wei heipor wym em bru ha yung u da yah u oo cha Mysore chirup wa ar ngut ki khynnah chynrang wei da dai u ki cha iwi i dukan wa em ha Mysore wei hadooh katni ym em de ki u liwan yung.

Ha iwi tawan i jia ka wi ka kynthai da chim ko pyndei yong ka hi i mynsien ha yung ko wei da chem yei metyap yong ka ha ka 10 tarik uni u bnai na i chnong wa em ha East Khasi Hills District.

Kiwa ha yung da ong ki wa da chem yei metyap ha ka 10 tarik uni u bnai wei da tyllep ya ka wei kiwa ha yung da suba ki wa ye u man wa da khlaad ko ar sngi na chwa.

Neiliang u Doctor ka Diengpasoh PHC won da pyntip u wa kani ka jooh ka bru da dep wan yachem ko wa oo yow pynhap khon.

Ha ka 9 tarik uni u bnai u Rijid Sohsten wa em 48 snem i rta da slaitbor u ya kawi ka khynnah wa dang 4 snem i rta ha Shillong Bypass ha Ri-Bhoi District heiwa ki pulit da kem ki ya uni u bru.

Ha ka 8 tarik uni u bnai da chem ya i metyap yong i khonboo wa dang kha na ka wah Ganol hei bynta ka chnong Mukdangra, West Garo Hills.

Neiliang ki pulit da leh ki yeiwa emkaam wei da phah leh yei metyap cha Civil Hospital Tura yow pyndep yeiwa emkaam.

ShareTweetSendShare
Previous Post

Da sdang ka sorkar wow pyndait ya ki light wa pynemkaam da ki bor ka rymaw

Next Post

Ar sngi ban ban sih u brake ki bus ka Star Cement

Related Posts

Crime

Chah ah rdang sa kawi ka kynthai ha u chan tangwa ini won hapoh Hospital deiwa sakhi kiwa boon

July 1, 2025
Crime

Chah thok poisa kiwa boon ha kawi ka Company wa pynemkaam boon tylli ki pyrtuid

July 1, 2025
Crime

Chah kem u Pastor wa slaitbor ya ka khynnah wa dang 16 snem ha Assam

June 30, 2025
Crime

Hakhmat u pa chah ah rdang kawi ka kynthai hadooh wa yap ha u bru wa paan yalait chan ko

June 30, 2025
Next Post

Ar sngi ban ban sih u brake ki bus ka Star Cement

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar