Ka khynnah wa dang 11 snem i rta kawa pyrtuid ka Risa Talang ka khon Silda Talang wa u Kilo Yadav na ka chnong Khliehchnong, Nongjngi kawa wiar nadooh ka 15 tarik u bnai Khonchonglad (November) 2015 da chem yei metyap ko napoh iwi i krem tih mooyong.
Kani ka khynnah katkam ka yutip wada yoh da ong wa da sah ko wa kawi ka bru kawa da tip pyrtuid kam ka Agnes Dkhar ha Lad Sutnga wei da sah ko heini dang du chi bnai tam, weiwa da thmu leh wow yarap pynlai skur ka kong Agnes ka, kawa man leh ka lok wa yajan wa ka bei kani ka khynnah (ka kong Silda).
Yei metyap da chem ki pulit hadien wa phla u Emvyris Micheal Dkhar uwa man leh u khon ka kong Agnes heiwa da phla u wa da slaitbor wei pynyap u ka deiwa ksih u ka na rdang hadien wa dep leh u yeini kaam.
Uni u Micheal toh uwa dang 21 snem i rta. Katkam wa phla u Micheal da ksohbor wei da pynyap u ya kani ka khynnah ha ka 17 tarik u Khonchonglad (Dec) 2015 hei thaw tlepbru wa em ha jan yung u. Hadien ini da song u yei metyap kani ka khynnah ha ka churia khoo wei da kit u ya ka da kawi ka kari wa chimwai u wei da noh u yei metyap chapoh i thaw tih mooyong hajan Jalyiah wa yillu kamwa 50 phut.
Uni u Micheal dang ha kani ka 2 tarik da dep ksoh bor u ya kawi ka khynnah wa dang 3 snem san bnai wa sah ha Dkhiah East (EJH) wei da chem ki bru yei metyap kani ka khynnah ha 1 kilo neiwi i yung wa dang chna.
Ki pulit da dep register case pynyap bru hapoh ka Section 302 wa ka Section 6 yong ka aiñ POSCO.
Discussion about this post