Ki bru ka State Disaster Response Force (SDRF) ynnin da yoh ki wow sai yei metyap u bru wa 50 snem i rta na ka wah Umkheiñ ha chnong Jaroit, East Khasi Hills District.
Ya ki bru ka SDRF da phah da ka District Disaster Management Authority (DDMA), East Khasi Hills wow thooh ya uni u bru uwa da wiar heipor wa lai khwe u ha ka wah Umkheiñ ha i bynta ka chnong Jaroit.
Ya ki SDRF da yahkhmat da u Sub Inspector DK Kharbih, kiwa da mih heipor 6:00 waje i step wei dapoi ki hei thaw wa jia heipor kamwa 8:00 waje i step.
Da sdang ki wow thooh deiwa khwe da ki nar chieh wei deiwa ngam um. Hadien kamwa chi kynta chiteiñ, u SDRF T. Khongstia wa u I. Lapasam da ye ki wow sai yei metyap.
Yei metyap da e kti cha ki pulit wei ya uni uwa da khlaad noh da tip kam u Kellshon Shadap uwa man u kurim ka Sibonda War wei uwa chong chnong ka Pdengshnong, Nonghali.
Discussion about this post