I pdung ha iwi i yung khydaw-bilat wa boon mala wa em ha Keating Road, Shillong ynne ka sngi deiwa mynsoo 5 ngut heiwa na kini da em 3 ngut kiwa da mynsoo joor wei nyngkong da suba wa pdung ka tadong Gas.
Neiliang u SP ka East Khasi Hills da pyntip u wa hadien wa da takit ki pulit da chem wa ini toh da jia neidaw wa em ka dukan wa pynlang ya ki tiar ki taar wa da jed wa da noh nadooh ki tadong (Spray Can) kiwa em hapoh ya ka kynja um wa ye u kop diñ.
Ki bru wa kreh ha ini i thaw da pynemkaam ki da ki tyrnem wow tympiah ya kini ki tadong wei ka thaw kreh ki leh man ko kawa khang sbah wei da ya dih sikret ki leh heipor wa kreh ki.
Kamtæ ye u man wa kini ki tadong dei bor wa sngoh tyrnem da pdung ki dei iñ ki manda sngoh ma sngoh ki wei i dih sikret da pynman wow kem diñ chooh chooh kini ki tadong wa boon hadooh wa poi chei pdung ki.
Puræ leh: Mynsoo joor 3 ngut neiwa pdung ha Keating Road
Discussion about this post