Chempap kiwa thiah wa chah sumaar ha Nongtalang CHC : Ood ki Waheh Chnong ka thaiñ

Amlarem : Ka Nongtalang CHC kawa em ha ka chnong Nongtalang kawa em hapoh yong ka Amlarem Sub-Division da man ko kawa da dap smam katni neidaw wa boon kiwa kjut katwa ki palong duna ki wei kamjooh leh ka yung ka CHC man ko kawa khian wei da haap pynsah yaki bru chadooh ki kamra yong kiwa kreh heini.

Cha madan kani ka CHC da thiah ki khynnah, ki khonboo kamjooh kiwa da heh da san kiwa wan chah sumaar ha kani ka CHC hanlada ym yoh palong leh. Boon toh kiwa ym yoh poisa u chah sumaar ha ki Private Hospital kamjooh leh ong ki wa chaniah ki ya ki doctor wa ki nurse wa kreh chitom ha kani ka CHC.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Dr K.Mukhim uwa pait ya kani ka CHC neiliang yong oo da pynsñiaw u deiwa ong wa kam u Doctor kreh chitom u yow e i sumaar cha kiwa kjut hanlada em u samen heini. Ong u leh oo haap pait u ya ka OPD waka IPD wei pait u wa meit wa sngi. Neiliang yong oo leh ong u wa emkaam sa uwi næ ar ngut ki Doctor yow ye u chakri bha yaki paidbah.

U Dolloi yong ka Elaka Nongtalang u C. Pohlyngjar wa ki Waheh Chnong yong katai ka thaiñ ong ki wa kam kiwa pait wa pyllai ya ki chnong ki thaw cheini ki kwah ki waka sorkar u phah smat ki yaki Doctor cha kani ka CHC wei neiliang ki Waheh Chnong ong ki wa dadep yachem ki wa u Montri yong ka Health Dept. u ma A.L. Hek tangwa hadooh katni ympu em phah u ya ki Doctor.

Da dawa leh yow pynheh ya ka yung CHC yow ye u pynboon thawthiah ya kiwa kjut wei kamjooh leh yow su noh yaka tulop yong ki Nurse katai ka CHC neibhah kattu la le bnai ym pu em yoh tulop ki.