Heipor wa dang rwai u Tyga ynnin ka sngi khaddooh ka Shillong Cherry Blossom Festival 2025, da jia i wym poi pyrkhat heiwa da em u bru paidbah wa yoh u ku ha Stage iwa da wanrah yei pat uni uwa rwai Rap wa pawnaam ka pyrthai.
Ini da jia i heipor wa dang rwai u Tyga yei sur “Ayo” wei da em u rap hakhmat bha ka Stage chajan ki paidbah wei ymtip kammon tangwa uwi u bru da yoh u wow ku cha Stage neiliang tidiang deiwa phet chajan u Tyga.
Ki bru wa e yada namo ki Security da smat ki wow yoo yeini wei da em uwi uwa phet wut-wut tangwa chwa wow poi u ha u Tyga da tlær u wei da man kamwa ngiat wa æiñ yei kjat u Tyga uwa da oor khroom tangwa lai bait i rwai u khlem sangeh.
Uni u bru paidbah wa ku ha Stage ym em yoh u tba ya u Tyga næ u leh iwon iwon wei deiwa wan smat ki Security heiwa da kynthiar noh u cha ki paidbah khlem da yoh wow kem oo.
Ya ini wa jia ye phi u pait heini https://www.instagram.com/reel/DRFoNzJDV8L
Discussion about this post