Ka KSU Thangrain Unit wa kiwa yahkhmat ka chnong Thangrain, West Jaiñtia Hills da hiar lai pait ki ynnin ka 12 tarik yei rukom pynkreh ya u sarok wa lai lyngba yong ka chnong hadien wa yoh ujor na kiwa chong chnong wa u Contractor wa pynkreh ya utai u sarok da kreh khaler u cha wa palat.
Ka seiñ da chem ko wa u surok da man sakhiat u u wym biang katkam ki kyndon wa da toh u chna ya oo wei da pynkreh tangdep ya uni u sarok wei ym neh slem u heiwa pyn na katni leh ym em skem bha u. Heiwa deiwa kynjat dei kjat leh da sdang wot u wow pra.
Uwa yahkhmat ka chnong da ong u wa dadep ki wow lai pyntip cha ka PWD hajrong i rukom pynkreh ya uni u sarok tangwa ym em leh iyi iyi leh yeini. Wei neiliang u Contractor leh ym em kheiñ u iyi iyi leh ya kiwa chong chnong.
Kamtæ neiliang yong ka seiñ wa kiwa yahkhmat da pynsangeh syndon ki ya ini i kreh lada ym kreh hok ha i rukom wa toh u kreh wei ka seiñ leh da maham joor ko ya u Contractor uwa toh u pynkreh ya utai u sarok lada ym chimkhia u ya ini kamjooh ya ka sorkar heiwa ka seiñ daw chim ko da iwi won i rai lada ym leh ya iwa emkaam.
