Chi rta phah kset ka yung bichaar ya uwa pynyap bru ha Saphai hadien 18 snem

U SP ka West Jaiñtia Hills da pyntip u wa uwi uwa pynyap bru da rai phah kset ka yung bichaar oo waroh chi rta.

Ini toh hajrong ka FIR kawa da yoh nadooh ka 06-09-2005 na u Linus Sumer wa u khon yong oo, u Rishanki Biam da chah pynyap u ha uwi u bru wa tip kam u Aloi Suiam iwa da jia ha ka 29-09-2005 ha chnong Saphai.

Ya kani ka Case da Register ha Jowai PS lyngba ka Case No. 121 (9) 2005 hapoh ki kyndon 302 ka IPC wei da takit ya ka da u SI B. Singh.

Kamtæ hadien 18 snem ha ka 28-03-24, ka yung bichaar u Session Judge ka West Jaiñtia Hills hadien wa pait lut ya ki sabut da chem wa u Aloi Suiam toh uwa da emkti wow pynyap ya u Rishanki wei da pynngat oo hapoh ka kyndon 302 ka IPC deiwa phah kset oo waroh chi rta.

Related posts

Napoh khloo yoh kem ki pulit ya uwa da chah pynngat ha kiwa boon ki kyndon aiñ

January 29, 2026

Chah kem kiwa dat wei tooh ya ki Mobile Phone ki bru

January 28, 2026

Ka yung bichaar da phah su ko leh Rs. 3 lak cha ka yung uwa chah pynyap.

Ha kini ki snem wa da lai chwa u yoh yei bichaar, u pa yong u Rishanki uwa da booh ya ka FIR leh da khlaad noh u.