Chi rta phah kset ya yung bichaar ya u Bani Sana

U SP ka East Jaiñtia Hills District da pyntip u wa heiyatoh waka Case ka Khliehriat Police Station wa takit da ka WPSI K. Lyngdoh iwa da jia ha u snem 2013 heiyatoh wa i chah pynyap kawi ka khynnah kynthai kawa dang ar snemi rta ha u Bani Sana iwa da jia ha chnong Mynkre.

Da ye wow Charge Sheet ha ka 18-02-14 hadien wa pyndep yei takit wa bniah heiwa da lai booh mukotduma hakhmat ka yung bichaar Special Judge (POCSO), East Jaiñtia Hills District.

Kamtæ deiwa pyndep yei bichaar da rai pynrem ya u Bani Sana deiwa phah kset oo waroh chi rta hapoh ka Section 302 ka IPC heiyatoh wa i pynyap bru deilang waka kuna kawa Rs. 50,000 neitæ wow kset leh 3 snem deilang ka kuna kawa Rs. 10,000 hapoh ka Section 201 ka IPC.