Chi rta u kset ya u Engineer wa e yei stat chna ya u Brahmos Missile cha ka ISI ka Pakistan

Ka yung Kasari ha Nagpur ynne da rai phah kset ko chi rta ya uwi u Nishant Agarwal uwa jooh man u Engineer warim ka Brahmos Aerospace hadien wa chem wa e tooh u yei stat cha ka ISI ka Pakistan.

Ya u Agarwal da kem ha u 2018 hadien wa chem wa da e yei stat chaphang u Brahmos Missile cha ka ISI ka Pakistan.

U Agarwal toh uwa jooh man kam u System Engineer ha Brahmos Aerospace kawa man ka karkhana wa krehlang ka DRDO yong ka India wa ka NPO Mashinostroyenia na ri Russia. 

Da ong wa u Agarwal da ya tipmit u ya ar ngut ki kynthai lyngba ka Facebook kiwa e pyrtuid Neha Sharma wa ka Pooja Ranjan ya kiwa suba wa chna thok da ki bru ka ISI ya kiwa pynlai na Islamabad.

Related posts

U bichaar ka High Court lada ym ye ki sorkar wow pynbait yei long i man ha NEHU

November 13, 2024

Ileh wa e kti yow pynchna ya u saroh NH-6 cha ka Dhar Company ka wym biang tiar biang bru: KSU-EJHDU

November 13, 2024

U Nishant Agarwal toh uwa da yoh ya i naam Young Scientists Award na ka Defence Research and Development Organisation, wei da pyndep u yei puræ na National Institute of Technology, Kurukshetra.