Ka Meteorological Centre Shillong, kawa em hapoh ka India Meteorological Department ka sorkar India da pyntip ko wa u slap wa hiar toh uwa myntu chi sngi donhi deilang wa u kdur wa ka lailieh.
Uni u slap toh uwa hiar ha West Jaiñtia Hills, East Khasi Hills, South West Khasi Hills, South Garo Hills, West Garo Hills wa ha South West Garo Hills.
Da pyntip wa ha ki sngi wa bood nadooh ka 16 tarik hadooh ka 19 tarik ym slap wei daw pyntip won ya ki sngi hadien kini.
Heiyatoh wa i chit ha kini ki 24 kynta, ha Tura, Ampati wa Baghmara toh kiwa chit dooh kiwa dapoi 27° Celsius katwa ha Jowai 20.7°, ha Shillong 16.5°, Sohra 21.3° wa ha Mynkre 25.1°
I kjam won toh iwa joor dooh ha Nongstoin 7° Celsius, Mawkyrwat 7.9°, Shillong 8.9°, Mynkre 10.4° wa ha Sohra 11.4°.
Discussion about this post