Chi tayaaw e por ka HNYF Thadlaskein wow pynbiang ya ki kot ki sla ki baar jylla

Ka seiñ HNYF Thadlaskein Circle da phah khubor ko cha waroh ki baar jylla wa em ha Ri-loom Jaiñtia khamtam kiwa em hapoh ka Thadlaskein Block wa da e por ya ki chi tayaaw wow pynbiang ya ki kot ki sla kam ka Work Permit, ka Trading License wa Labour License da kiwa wanrah ya kiwa kreh da ki baar jylla.

Ka seiñ da ong ko wa ini ym mut ko du hapoh Thadlaskein Block tangwa cha kiwi tawon ki thaw hapoh ka Ri-loom Jaiñtia wa emkaam wow pynbiang ki kot ki sla kiwa kreh mylla wa wanrah na baar jylla.

Lada ym leh yeini, ka seiñ daw hap ko wow chim dei rai wow leh iyi iyi pyrchah ya ki baar jylla ki wym biang kot.

Da kyrpaad leh ya ki dorbar chnong wa kiwi kitkaam chnong, ki Contractor wow ya krehlang ki waka seiñ khnang wow lait u mih iwon iwon i kynrum kynram.

Related posts

Markhmat wa ki paidbah yaklam u Wailad yow ap yeiwa chem chitom ki na ka Scheme MHIS wa PMJAY 

September 19, 2026

Ka Meghalaya toh kawi na kiwa miat dooh ha pyrthai, daw ku i wan ki Tourist na baar ri, ong u Montri khynnah ka sorkar pyrdi

September 19, 2026

Kamtæ da ong wa hadien wa kut ini i e por wa chi tayaaw, daw chim ko da ka rai wa eh khamtam ya ki bru yong i kiwa kdup næ pyrchang yarap ya ki baar jylla ki wym biang kot.

Ka kyrwoh na u President ka Thadlaskein Circle, u Esterwis Ryngkhlem.