Ki dkhot ka MPUF-EJHD hapoh i yahkhmat u President, u Kyrshan Blah wa u President ka San Chnong Circle, u Jony Phawa deilang wa u President ka Wapung Unit, u Samely Siangshai da lai yachem ki ya u T. Iakai uwa man u Executive Engineer ka MEeCL, Moowakhu hajrong i ku ware ka bai bordiñ ha waroh kawi ka District heiwa neiliang uni u sahep da kular u wow chimkhia yeini.
U Kyrshan Blah da ong u wa lada ka chnat ym leh ko iwon iwon hajrong ini daw lai e dorkhat noh ko ha u montri ka chnat neibhah wa i ku syndet ka bai bordiñ da ktah ko ya ki paidbah wei da em leh ki manyung wa da chah ah bordiñ wei kam ya kini ki manyung da dawa wow chah u su chwa ki 50% khnang wow yoh biang ki u chim bordiñ.
Da kyntu u leh ya ka sorkar wa u DC ka District wow chimkhia ya ini iwa da ktah ya ki paidbah chiboon khamtam wa da ku ki dor ki mar wei em i khang kset nei em ka khlam COVID-19.
