Ha nongbah New Delhi daw krehkaam biang ka Lockdown nadooh myntu i miet 10:00 waje hadooh 5:00 i step ka 26 tarik kam chibynta wow khang yei poor ka khlam COVID-19 wei ya ini i rai da chim hadien ka yalang hapyrdi u montri rangbah ka Delhi, u Arvind Kejriwal wa u Lt. Governor u Anil Baijal ynne ka sngi.
I man i long u COVID-19 ha Delhi toh iwa sñiawkhia katwa kamtæ da pynkrehkaam noh ya kani ka Lockdown da ong u Kejriwal deiwa kyntu ya kiwa khih mylla wow neh ki hapoh ka nongbah
Da ong u wa ha kini ki sngi wow wan daw pynkhreh ya ki thaw sumaar deiwa ya krehlang chirup wa ka sorkar pyrdi.
Da phah ya waroh ki bru ki wakreh ha ki yung krehkaam ki bru samen wow kreh ki na yung wei u wai du ki yungkrehkaam sorkar wa ki kaam wym hoi u dam namo ki Essential Services.
U Kejriwal da ong u wa iwa man kattæ da wanrah ko yei ktah hadooh wow ye u pynbiang yeiwa emkaam u yaleh pyrchah yaka khlam kamtæ hap wow kdooh u khoom yei poor ka khlam ha kini ki sngi wow wan.
Ha kini ki 24 kynta wa da lai em hadooh 25,462 ngut kiwa dang yoh ya u COVID-19 ha Delhi.
Kam wow pynkynmoo heini wa da dep pynkrehkaam ya ka Weekend Curfew ha Delhi nadooh i miet ka 16 tarik hadooh ynne i step 6:00 waje.
